የኢትዮጵያ ጠለፋ መድን አክስዮን ማህበር ባለአክስዮኖች በሙሉ

የኢንሹራንስ ሥራ አዋጅ ቁጥር 746/2ዐዐ4, የኢትዮጵያ ብሔራዊ ባንክ መመሪያ ቁጥር SIB/48/2019 እና የኩባንያውን የዲሬክተሮች ቦርድ አባላት የጥቆማና የምርጫ ማስፈጸሚያ የውስጥ መመሪያ መሠረት በማድረግ በቀጣይ ኩባንያውን በቦርድ አባልነት የሚመሩ አባላትን ለማስመረጥ በታህሳስ 6 ቀን 2ዐ13 ዓ.ም. በተካሄደው የባለአክሲዮኖች 5ኛ መደበኛ ጠቅላላ ጉባኤ የተቋቋመው የዲሬክተሮች ቦርድ አባላት አስመራጭ ኮሚቴ እጩ የዲሬክተሮች ቦርድ አባላት ጥቆማዎችን ለመቀበል ዝግጅቱን አጠናቋል፡፡ በዚሁ መሠረት ባለአክስዮኖች የሚከተሉትን መስፈርቶች የሚያሟሉ እጩ የቦርድ አባላትን እንድትጠቁሙ አስመራጭ ኮሚቴው በአክብሮት ይጋብዛል፡፡ መስፈርቶቹም፡-

1ኛ/ የኢትዮጵያ ጠለፋ መድን አክስዮን ማህበር ባለአክስዮን የሆነ/ች እና ቢመረጥ/ብትመረጥ በዲሬክተሮች ቦርድ አባልነት ለመሥራት ፈቃደኛ የሆነ/ች፣

2ኛ/ ዕድሜው/ዋ 3ዐ ዓመት ወይም ከዚያ በላይ የሆነ/ች፣

3ኛ/ የትምህርት ደረጃ፡-

ሀ. ቢያንስ 75% የሚሆኑት የመጀመሪያ ዲግሪ ወይም ተመጣጣኝ የትምህርት ደረጃ ከታወቀ የትምህርት ተቋም ያላቸው፣

ለ.   የቀሩት 25% ቢያንስ አጠቃላይ 2ኛ ደረጃ ትምህርት ያጠናቀቁ ወይም ተመጣጣኝ የትምህርት ደረጃ ያላቸው መሆን አለባቸው፡፡

4ኛ/ የሥራ ልምድ፡-

በፋይናንስ፣ በአካውንቲንግ፣ በሕግ፣ በቢዝነስ አድሚኒስትሬሽን፣ በኦዲቲንግ፣ በኢንፎርሜሽን ቴክኖሎጂ፣ በኢንቨትመንት ማኔጅመንት እና ሌሎች ተዛማጅነት ባላቸው ሙያዎች ላይ በቂ የሥራ ልምድ ያለው/ያላት መሆን አለበት/ባት፤

5ኛ/ የኢትዮጵያ ጠለፋ መድን አክሲዮን ማህበር የዲሬክተሮች ቦርድ አስመራጭ አባል ያልሆነ/ች ወይም የአክሲዮን ማኀበሩ ተቀጣሪ ሠራተኛ ያልሆነ/ች፣

6ኛ/ የማንኛውም የፋይናንስ ተቋም የዲሬክተሮች ቦርድ አባል ያልሆነ/ች፣

7ኛ/ ተጠቋሚው የሕግ ሰውነት ያለው ድርጅት ከሆነ ድርጅቱን የሚወክል የተፈጥሮ ሰው ማንነት መግለጽ አለበት/ባት፣

8ኛ/ በኢትዮጵያና ከኢትዮጵያ ውጭ የዕምነት ማጉደል ወይም የማጭበርበር ተግባር ያልፈጸመ/ች፣ ከመንግሥት አካላት መረጃ ያልደበቀ/ች፣ ለፋይናንስ ተቋማትና ለተቆጣጣሪ አካል ሐሰተኛ መረጃ ያልሰጠ/ች፣ የሥነ-ምግባር ደንቦችን ባለማክበር የሥነ-ሥርዓት እርምጃ ያልተወሰደበት/ባት፣ በሙስና ወንጀል ተከሶ/ሳ ያልተፈረደበት/ባት፣ ከመምረጥና መመረጥ መብት ያልተገደበ/ች፣

9ኛ/ በኢትዮጵያና ከኢትዮጵያ ውጭ በማናቸውም በፈረሰ ድርጅት ዲሬክተር፣ ዋና ሥራ አስፈጻሚ ወይም ከፍተኛ ሥራ አስፈጻሚ ያልነበረ/ች ወይም በቀጥታም ሆነ በተዘዋዋሪ መንገድ በሥራ አመራር ላይ ያልተሳተፈ/ች፣

1ዐኛ/ የፋይናንሻል ጤናማነትን መስፈርት የሚያሟላ/የምታሟላ ማለትም በኢትዮጵያና ከኢትዮጵያ ውጭ በኪሳራ ላይ ያልሆነ/ች፣ የታክስና የባንክ ግዴታዎችን የተወጣ/ች፣ የባንክ ብድር ባለመክፈሉ/ሏ ምክንያት ንብረቱ/ቷ ያልተሸጠ፣ ከማንኛውም የፋይናንስ ተቋም የተወሰደ ጤናማ ያልሆነ ብድር የሌለበት/ባት፣ በደረቅ ቼክ ምክንያት የባንክ ሂሳብ ያልተዘጋበት/ባት፣

11ኛ/ ከሚጠቆሙት እጩዎች መካከል 1/4ኛው ተፅዕኖ ፈጣሪ ባልሆኑ ባለአክሲዮኖች (ከአክሲዮን ማኀበሩ የተፈረመ ካፒታል 2% በታች ባላቸው) ብቻ ከተጠቆሙት እጩዎች ውስጥ ይወሰዳሉ፣

12ኛ/ ቀሪዎቹ 3/4ኛ እጩዎች ሁሉም ባለአክስዮኖች ከሚጠቁሙት ውስጥ ይወሰዳሉ፣

13ኛ/ ከላይ የተጠቀሱት መመዘኛዎች እንደተጠበቁ ሆነው ለዲሬክተሮች ቦርድ እጩ አባልነት የሚጠቆም ማንኛውም ባለአክስዮን በብሔራዊ ባንክና በባለአክስዮን ጠቅላላ ጉባኤ ዕምነት የሚጣልበት/ባት፣ ሐቀኛ፣ ጠንቃቃ፣ መልካም ዝናና የተሟላ ስብዕና ያለው/ያላት የአክስዮን ማኀበሩን ዓላማዎችና ራዕይ ለማሳካት በቅንነትና በተነሳሽነት የሚሠራ/የምትሠራ፣ የቦርድ አባል ሆኖ ለመሥራት ቁርጠኛ የሆነ/ች መሆን አለበት/ባት፤

14ኛ/ አንድ ባለአክሲዮን መጠቆም የሚችለው አንድ እጩ ብቻ ነው፡፡ ባለአክሲዮኑ ከአንድ እጩ በላይ ከጠቆመ ጥቆማው ውድቅ ይሆናል፡፡

ባለአክስዮኖች ከኢትዮጵያ ጠለፋ መድን አ.ማ. ዋና መ/ቤት አፍሪካ ጐዳና ቢተወደድ ባህሩ አብርሃም ሕንጻ 6ኛ ፎቅ የዳይሬክተሮች ቦርድ ጽ/ቤት ወይም ከአክስዮን ማኀበሩ ድረ-ገጽ www.ethiopianre.com የእጩ ጥቆማ ቅጽ በመውሰድ ይህ ማስታወቂያ ከወጣበት ቀን ጀምሮ እስከ መስከረም 3ዐ ቀን 2ዐ14 ዓ.ም. ከላይ የተዘረዘሩትን መስፈርቶች የሚያሟሉ የዲሬክተሮች ቦርድ እጩዎችን መጠቆም የምትችሉ መሆኑን አስመራጭ ኮሚቴው በአክብሮት ጥሪውን ያስተላልፋል፡፡

ባለአክስዮኖች የሞሉትን ቅጽ በአክስዮን ማኀበሩ ዋና መ/ቤት 6ኛ ፎቅ የዲሬክተሮች ቦርድ አስመራጭ ኮሚቴ ጽ/ቤት በአካል በመቅረብ መስጠት ወይም በአክስዮን ማኀበሩ የፖ.ሣ.ቁጥር 12687 ላይ በአደራ ደብዳቤ አድራሻውን ለኢትዮጵያ ጠለፋ መድን አ.ማ. የዲሬክተሮች ቦርድ አስመራጭ ኮሚቴ በማለት ወይም የተሞላውን ቅጽ ስካን በማድረግ ለዚሁ በተዘጋጀው ኢሜል This email address is being protected from spambots. You need JavaScript enabled to view it. ወይም This email address is being protected from spambots. You need JavaScript enabled to view it. አያይዘው መላክ የሚችሉ መሆኑን እንገልጻለን፡፡

ለበለጠ መረጃ በሚከተሉት ስልክ ቁጥሮች ዐ911 24391ዐ  ተጨማሪ ማብራሪያ ማግኘት ይቻላል፡፡

ማሳሰቢያ

• አስመራጭ ኮሚቴው ከመስከረም 3ዐ ቀን 2ዐ14 ዓ.ም. በኋላ የሚቀርቡ ጥቆማዎችን የማይቀበል መሆኑን ከወዲሁ ያሳስባል፣
• በቅጹ ላይ የጠቆመው ባለአክስዮን ስምና ፊርማ መኖር አለበት፣ ጠቋሚው ድርጅት ከሆነ የድርጅቱ ዋና ኃላፊ ፊርማና ሕጋዊ ማኀተም ሊኖረው ይገባል፣
• ቅጹ ስርዝና ድልዝ እንዳይኖረው በጥንቃቄ መሞላት ይኖርበታል፡፡

ለተጨማሪ መረጃ በተጠቀሰው ስልክ ቁጥር ይደውሉ

ዐ115 575757/ ዐ115 58279ዐ/ ዐ115 582792/ ዐ115 5582793

የኢትዮጵያ ጠለፋ መድን አክስዮን ማህበር

Ethiopian Reinsurance Share Company